Irabazlea: Un resumen imposible bideoa.
Xabier Miquelez de Mendiluce Peñak "Chateau de Calmont d'Olt" (Frantzia) auzolandegian parte hartu zuen.

¿Zer iruditzen zaizkizu lehiaketako finalistak? Eman zure iritzia!

Aurkeztutako lanak:

• Bideoak: Volové - Togo 2010, Un resumen imposible y Camino al trabajo 
• Idazlanak, eta
• Argazkiak

Saria 

Honako hau 2010eko auzolandegietan parte hartuko duzuen gazteei zuzendutako lehiaketa da. Lanak, argazki, bideo zein idazlan formatoan egin ahalko dira eta sari bakarra emango da. Lan onenaren egileak *32 Gb-ko iPad Wifi bat irabaziko du, zorro eta guzti. Hemen duzu bideo bat IPadak dituen aukera batzuk ikusteko.

Auzolandegiak 2010 egitasmoko arduradunek osatuko dute epaimahaia eta beraiek izango dira irabazlea erabakitzeko arduradunak. Lan saritua argazkia, bideo lana zein idazlana izan ahalko da eta bidaltzen diren lanak gazteaukerako kanaletan, flickr, Youtube, gazteaukerako bloga eta Gazteaukera  gazte-webgunean ikusgai izango dira.

Sariaren ezaugarriak honako haiek dira:

  *iPad de 32Gb Wi-Fi-aren ezaugarriak: 32 GB. Pantaila panoramiko disdiratsua, ukimenezkoa, 9,7 pulgadatakoa, Wi-Fi, Bluetooth 2.1 + EDR, 680 gko pisua eta Ipad zorroa. 

Anima zaitez eta parte hartu! 

Lehiaketaren oinarriak

Beste urte batez, Euskadiko gazte asko auzolandegiren batera joango zarete udako hilabeteetan, 2010ko Auzolandegiak egitasmoaren barruan bai Euskadin, Estatuan, zein atzerrian antolatu diren auzolandegietara. Horregatik, eta zuen esperientziak ezagutzeko helburuarekin, 2010eko Auzolandegietako argazki, bideo eta idazlan onenen lehiaketa antolatu dugu.

Argazki /Bideo/ Idazlan onena 

• 2010ko udan edozein auzolandegitan parte hartu duten Euskadiko gazte guztiek parte har dezakete lehiaketa honetan.
• Gaia: 2010ko auzolandegiak: bizipenak, gertaerak, harremanak, ametsak... Auzolandegietako eguneroko bizitzaren inguruko edozein alor.
• Partaide bakoitzak gehienez hiru argazki, bideo bat eta idazlan bat bidali ditzake.
• Argazki, bideo eta idazlan bakoitzarekin batera egileek, izen-deiturak, NAN zenbakia eta kontakturako telefonoa gehitu beharko dituzte. Horretarako honako eskaera orria (pdf, 556 kb) bete behar da.
• Lan guztiak gazteria-auzolandegiak@ej-gv.es helbidera bidali behar dira.
• Argazkiak formatu digitalean bidali behar dira. Argazkiekin batera titulu bat edo azalpen esaldi bat idatzi behar da (euskaraz ala gazteleraz) eta argazkiak zein auzolandegitan atera diren ere adierazi behar da.
• Bideo lanek gehienez 20 Mbs-ko neurria izan dezakete. 3 minutu arteko luzera eta QuickTime .MOV, Windows .AVI o .MPG, MPEG4 (Divx, Xvid) formatuak onartuko dira. Bereizmenari dagokionez 640x480eko lanak hobetsiko dira. Egile bakoitzak bideo bakarra aurkeztu dezake. Bideoek, titulua eta zein auzolandegitan egina izan den zehaztu beharko dute.
• Idazlanek gutxienez 150 hitz eta gehienez 300 eduki behar dituzte. Testuek izenburua eta zein auzolandegitan egina izan den zehaztu behar dituzte. Partaide bakoitzak auzolandegian bizi izan duen esperientziaren idazlan bakar bat bidali dezake hizkuntza bakarrean (hau da, euskaraz edo gazteleraz baina bakarra).
• Argazkiak, bideoak eta idazlanak jasotzeko epea irailaren 30ean bukatuko da.
• Lehiaketa honetako parte hartzaileek argazkiak, bideoak eta testuak argitaratzeko baldintzak onartzen dituzte.

2008ko Auzolandegietako argazki eta idazlan lehiaketan jasotako lanak ikus ditzakezu.