Motor arrunten antza duten aparailu horiei esker, mendiaz eta naturaz modu erosoan gozatu daiteke. Izan ere, motor horiek elurretan ibiltzeko prestatuta daude, eta beste modu batean helezinak diren lekuetara modu errazean heltzeko aukera ematen dute.

Kirol hau egiteko ezinbestekoa da elurretako motor bat izatea eta hori ongi erabiltzea. Izan ere, mendian leku arriskutsuak egon daitezke, eta motorra ongi erabiltzen ez bada egoera arriskutsuak sortu daitezke. Era berean, kaskoa eta elurretarako arropa egokia ere beharrezkoak dira.