Hizkuntza-Eskola Ofizialek hizkuntza bat ikasteko beste aukera bat eskaintzen dute. Euskaraz gain, beste hainbat hizkuntza ikasteko aukera ere badago Hizkuntza Eskola Ofizialetan. Hala nola alemana, frantsesa, ingelesa, italiera, portugalera, errusiera edo española.

Hizkuntza-Eskola Ofizialetan ematen den irakaskuntzak tresnatzat hartzen du hizkuntza. Hautatutako hizkuntza-ezagutzari esker, ikaslea gauza da hizkuntza hori ulertzeko eta hizkuntza horretan mintzatzeko eta idazteko. Ikasketa horietan interesa baduzu, irakur ezazu Hizkuntza-Eskola Ofizialei buruzko informazio gehiago.

Ikastetxeen sarea Euskadin: 

Araba:

• EOI Vitoria-Gasteiz HEO

Bizkaia:

• EOI Bermeo HEO, EOI Bilbao HEO, EOI Barakaldo HEO, EOI Getxo HEO eta EOI Durango HEO. EOI Basauri HEO, EOI Santurtzi HEO eta EOI Zalla HEO berriak dira. 

Gipuzkoa:

• EOI Donostia-San Sebastián HEO, EOI Eibar HEO eta EOI Irun HEO.  EOI Ordizia HEO eta EOI Tolosa HEO berriak dira.

Ikasketa plan berria

2007-2008 ikasturtetik aurrera ikasketa plana aldatu egin da. Ikasketak 3 mailatan egituratuko dira: oinarrizko maila, erdiko maila, goiko maila eta gaitasun maila. A2, B1, B2 eta C1 ziurtagiri akademikoa jasoko du ikasleak Oinarrizko, Erdiko,Goiko edo Gaitasun maila gainditzean. Titulazio hauek balioa dute Europa mailan. 

Modalitateak: Ofiziala eta librea

• Ofiziala: eskolan ematen dena. Ikasleak klaseetara joaten dira eta azterketak mailaka egin ditzakete dagozkien deialdietan. Matrikula egiteko deialdia uztailean egiten da.



• Librea: ikasleak zikloetako azterketetara baino ez dira aurkezten. Eskolak urtero prestatuko ditu azterketa-deialdiak erregimen librean egiten dituzten ikasleentzat eta gaindituez gero dagokion eskola ziurtagiria emango zaie. Erregimen libreko ikasleak matrikulatzeko deialdia otsailean egiten da, hizkuntzen ordutegia eskola bakoitzaren esku dagoelarik.

Ikasleak gutxienez 16 urte izan behar ditu matrikulatu ahal izateko.

Hizkuntza-eskola ofizialetako euskararen ziurtagiriaz gain, badira beste euskara-ziurtagiri batzuk.

Ingeles hizkuntzaren benetakotze azkerketak.- Arabako eta Gipuzkoako Campusetan IELTS (International English Language Testing System) azterketak egin ahal dira.