Martxan dago jada Euroscola lehiaketaren edizio berri bat.

Jokoaren helburu nagusia 2010. urtea Pobreziaren eta Gizarte Bazterkeriaren  Aurkako Europar Urtea dela gazteei gogoraraztea da eta, hartara, arazo honetaz —milioika europarrek pairatzen duten arazoaz— jabearaztea, bere kausak aztertzea eta kolektibo horrekiko elkartasuna sustatzea.

Euroscola interakziozko hezkuntza-jokoa da. Parte hartzaileek bakarkako eta taldekako frogak gainditu beharko dituzte. Interneten erabilera sustatu nahi du hezkuntza, informazioa eta komunikaziorako tresna bezala, eta baita beste hizkuntza baten ikasketa ere, Europa batu bat lortzeko ezinbestekoa delako. Horregatik, jokoa bertsio bitan egingo da: gazteleraz eta ingelesez. Parte hartzaileek hizkuntza bi hauetatik bat aukeratu beharko dute.

Egutegia:
Izen-ematea martxoaren 1era arte www.euro-scola.com gunearen bitartez.
Lehiaketa: Otsailaren 15etik apirilaren 18ra arte.

Baldintzak:
• Europako ikastetxe guztiek har dezakete parte.
• Parte hartzeko ezinbestekoa da taldeka ematea izena: hamar ikaslez osotutako taldeak (15 eta 18 urte bitartekoak) eta liderra izango den irakasle arduradun bat.
• Ikastetxe batek hainbat talde aurkeztu ditzake, baina batek bakarrik izango du finalera sailkatzeko eskubidea, puntuazio gehien lortzen duena.

Saria
• Lehiaketaren irabazleak Estrasburgora joango dira Europako beste gazte batzuekin batera Euroscola Egitasmoan parte hartzeko (Europako gazteen Parlamentuaren simulazioan).

• Autonomia Erkidego bakoitzeko finalista bat egongo da.Finalista guztien artean lehen hamar sailkatuak izango dira irabazleak. Euskadiko lehen sailkatuak asteburu bat pasatuko du Euskadiko aterpetxe batean (REAJ sarekoa). Sariaren barne sartzen da mantenua eta 2 gau igarotzea aterpetxean. Lehen sailkatua irabazleetariko bat izatea suertatuko balitz, sari hau bigarren sailkatuak jasoko luke.

Aurreko edizioak
• 2009
Gaia:"Europako Parlamenturako hauteskundeak ".
Saritutako ikastetxea: Irungo La Salle.

• 2007
Gaia: "Europar Batasunaren 50 urteak: iragana, oraina eta etorkizuna ".
Saritutako ikastetxea: Donostiako La Asunción ikastetxea.

• 2006
Gaia: "Batasun solidarioa".
Saritutako ikastetxea: Donostiako La Asunción ikastetxea.