Estatuko zein atzerriko aterpetxeetan har dezakete ostatu edozein adinetako pertsonek,  aterpekide-txartela izanez gero.

Txartelak urtebete irauten du, hau da, 2008/12/01ean egindako txartelak 2009/12/01ean galtzen du balioa.

Non eskatu

Txartela Internet bidez (orrialde honetan dago formularioa), nazioarteko txartelak egiten dituen edozein Gazte Informazio Bulegotan edo REAJek Euskadin dituen Gazte-aterpetxeetan  eska dezakezu. Txartela jasotzeko nahitaez bulego batera joan behar da.

Zalantzarik baduzu, ordainketa egin aurretik, bulego batean galdetu edo gazteria@ej-gv.es helbidera posta elektronikora mezu bat bidali. Gogoratu ordainketa egin ondoren ez zaizula tasa itzuliko.

Nola eskuratu txartela

1.- Eskaera

Zure txartela eskatzeko, formularioa bete zure datuekin eta eskaera-orria inprimatu. Beste aukera bat da txartelak egiten dituen edozein Gazte Informazio Bulegotara  edo aterpetxetara jotzea eta bertan emango dizute zure eskaera-orria.

Aukera ezazu dagokizun formularioa eta bertan zure datu pertsonalak bete itzazu:

• Gazteentzat, Gazte-txartelarekin
  Adina: 14 eta 30 urte bitartean
  Tasa: 2,5 euro.
  Posta bidez jasotzeko aukera: Aldez aurretik txartela izanez gero, bai.
  
• Gazteentzat
  Adina: 14 eta 30 urte bitartean
  Tasa: 5 euro
  Posta bidez jasotzeko aukera: Aldez aurretik txartela izanez gero, bai.
• Helduentzat
  Adina: 30 urtetik gora
  Tasa: 11 euro
  Posta bidez jasotzeko aukera: Bai.
  
• Familientzat
  16 urtetik beherako seme-alabadun familia-unitatea
  Tasa: 22 euro
  Posta bidez jasotzeko aukera: Ez. Aurkeztu beharreko agiria: Familia liburua.
  
• Taldeentzat
  Gutxienez 10 pertsona, arduraduna barne
  Tasa: 15 euro
  Posta bidez jasotzeko aukera: Ez. Aurkeztu beharreko agiria: Kideen izenak.
  

• Gazteria eta Gizarte Ekintza Zuzendaritzako Gazte-Elkarteen  Erroldan izena emandako taldeentzat
  Gutxienez 10 pertsona, arduraduna barne
  Tasa: ez da ordaindu behar tasarik (txartel hau doan eskuratzeko Gazteria eta Gizarte-Ekintza Zuzendaritzako Gazte-elkarteen Erroldaren ziurtagiria aurkeztu behar da).
  Posta bidez jasotzeko aukera: Ez.

• Atzerritarra bazara, aterpekide-txartelik ez baduzu eta pasadizoan bazaude hemen, ongietorri-seiluak (welcome stamps) eros ditzakezu aterpetxean bertan, eta horrek ostatu hartzeko eskubidea emango dizu. Behin-behineko txartel bat da. Aterpekideak seiluak erosi behar ditu, gauero bat edo denak batera. Sei seilu dituenean, txartel baten balioa hartzen du. Txartel horrek 12 hilabete irauten du, lehenengo seilua erosten denetik.
  Tasa 3 eurokoa.
  Seiluak nazioarteko aterpetxeetan ematen dira eta ongietorri-seilu bakoitzeko.

2.- Dagokion tasa ordaindu eta ordainketaren agiria gorde.

Internet bidez eskatzen baduzu,  ordainketa Interneten (formularioaren urratsak jarraituz) edo banku sukurtsal batean egin dezakezu. Ordainketa Internetez egin dezakezu Nire Ordainketan sartu eta lehenengo pantallan BPK hau aukeratuz: 9050794. Ondoren, zure banku-kitapenaren orriaren behekaldean agertzen diren datuak pantallan sartu behar dituzu (nola funtzionatzen duen ikus dezakezu demo honetan).

Eskaera bulegoan egiten baduzu zure eskaera-orria eraman behar duzu banku sukurtsal batera.

3.- Txartela jasotzeaz

• Posta bidez. Aukera hau erabiltzen baduzu, txartela 8 egunen buruan etxean jasoko duzu. Aukera hau aterpekide-txartel heldua, gaztea gazte-txartelarekin eta aterpekide-txartel gaztea modalitateetan dago. Azken bi horietan, eskatzaileak adina eta baldintzak betetzen dituela egiaztatu beharko du aplikazioak.

• Txartela jasotzea edozein bulegotan, hau da, Araba,  Bizkaia edo Gipuzkoako gazteentzako informazio zerbitzuetan edo REAJek Euskadin dituen  gazte-aterpetxeetan. Txartela jasotzeko, ezinbestekoa da adina eta baldintzak egiaztatzen dituzten dokumentuak aurkeztea.