 Trena garraiobide ona eta ekologikoa da. Gainera, munduko herrialdeetatik diru gutxiren truke bidaiatzeko aukera eskaintzen du. Izan ere, trenez bidaiatzerakoan hainbat deskontu eta abantaila eskaintzen dituzten txartelak daude. Horietako bat InterRail txartela da, modu ezberdinean bidaiatzeko aukera eskaintzen duen txartela.
InterRail
InterRailEuropako 30 herrialde baino gehiagotik barna lehen edo bigarren mailan bidaiatzeko modu desberdina eskaintzen duen tren txartela da. Bi pase mota daude: Pase Globala, InterRailen mapa osotik bidaiatzeko aukera klasikoa, eta Herrialdeko Pasea, egun zehatz batzuetan herrialde zehatz batean bidaiatzeko.
 Pase Globalaren eskaintza osotzen duten herrialdeak honako hauek dira: Frantzia, Alemania, Bretainia Handia, Suedia, Norvegia, Austria, Belgika, Holanda, Luxenburgo, Finlandia, Grezia, Irlanda, Italia, Espainia, Suitza, Kroazia, Danimarka, Hungaria, Polonia, Portugal, Errumania, Bulgaria, Txekiar Errepublika, Mazedonia, Serbia, Eslovakia, Eslovenia, Turkia eta Bosnia.
Interneten tren txartel honi buruz era guztietako informazio eta azalpenak ematen dizuten orrialdeak aurkitu ditzakezu. Esaterako, RENFE-k InterRailaren erabilerari buruzko zehaztasun guztiak ematen dizkizu. Bestalde, www.inter-rail.org orrialdean, hasiberrientzako gida interesgarri bat duzu eta, gainera, foro batean parte hartu dezakezu esperientziak, kontsultak, zalantzak, aholkuak eta abar jaso eta emanaz. Interneten, baita ere, zure bidaia antolatzeko oso baliagarria izango zaizun Europako trenbideen mapa bat ere baduzu.
 Pentsatu al duzu nora joan nahi duzun? Har ezazu zure txartela, igo trenera eta ongi pasa. InterRailari esker ikusi nahi duzun herrialdea bidaiatzen ari zaren bitartean aukeratu ahal izango duzu, askatasun osoz. Izan ere, txartelari esker, zuk nahi duzun ibilbidea egingo duzu. Gerturatu zaitez RENFE konpainiaren edozein txarteldegira, edota bidaia-agentzia batera eta erosi txartela.
Beste txartel batzuk
InterRail eta Eurodominoz gain, trenez bidaiatzerakoan abantailak eskaintzen dizkizuten beste hainbat txartel ere badituzu eskura. Ondorengoak dira:
-
Eurail nazioarteko txartela da eta Europatik kanpo, Errusiar Federazio, Turkia, Maroko, Argelia edo Tunisiako bizilagunek eskuratu dezakete. Aukeratutako txartelaren ezaugarrien arabera, mugarik gabe bidaiatzeko aukera ematen dizu.
-
Rail Plus txartel pertsonal eta besterezina da eta tren txartelak salneurri bereziekin eskuratzea ahalbideratzen du. Rail Plus-en erabiltzaileek txartelaren prezioan %25eko beherapena izateko eskubidea dute.
-
Mini Eskaintza txartelarekin, Turista Klasean 79 euroren truke, Preferente Klasean 119 euroren truke, eta Gran Klasean 159 euroren truke, ELIPSOS Trenhotel-ek eskaintzen dizkizun abantailak aprobetxatuz bidaiatu dezakezu. ELIPSOS Trenhotel benetako hotel mugikor bat da, trenaren abantailak eta hotel baten erosotasunak konbinatzen dituena.
-
Euskadin ondorengo konpainien zerbitzuak erabil ditzakezu.
 Red Nacional de Ferrocarriles españoles
 Ferrocarriles de vía estrecha
 Eusko Tren
 MetroBilbao
 Bilboko Tranbiak
|
