Euskadiko Euro<26 Gazte-txartelak 20 urte betetzen ditu aurten eta, zuekin batera, era berezian ospatu nahi izan dugu urteurren garrantzitsu hau. Hori dela eta, 44 Gazte-txarteldunekin batera asteburu oso bat igaro dugu Andorran (urtarrilaren 18tik 20ra bitartean) mendiko eskia, toboganak, erraketekin ibilaldia, zirkuitu termala eta abar egiten. Itzel pasatu genuen!!!!

(argazki gehiago ikusi nahi badituzu sar zaitez argazki galerian.
Parte har dezakezu Gazteaukera Blogean ).

Hauek izan dira Andorrara egin dugun bidaiara etorri diren Gazte-txarteldunak:

Dakizun bezala, hogei urte hauetan deskontu eta abantaila pila eskaini dizkie Gazte-txartelak 14 eta 26 urte bitarteko gazteei, eta ez Euskadin bakarrik, baita Estatuko beste Autonomia Erkidego guztietan zein Europako hainbat herrialdeetan ere.

Hori dela eta, Gazte-txartelaren urtebetetzea ospatzeko zozketa berezia antolatu dugu. Hauexek izan dira oinarriak:

a) Lehiaketan Gazte-txartelaren titularrek bakarrik har dezakete parte.
b) Eskaera emailez bidali behar diguzue urtarrilaren 6a baino lehen; gazteria@ej-gv.es ra bidali ezazu; jarri zure izena, NAN zenbakia, harremanetarako telefono zenbaki bat eta "Gazte-txartelaren 20.urteurrena" rako dela.
c) Zozketa bitartez jakingo dugu zeintzuk zareten irabazleak. Gazteaukeran publikatuko ditugu irabezleen izenak.

Saria

• Saritu bakoitzak Andorrara joateko bi plaza lortuko ditu: bat berarentzat eta bestea nahi duen pertsonarentzat, beti ere pertsona hori Gazte-txartelaren titularra izan behar delarik.
• Adin txikikoak, adineko batekin joan beharko dute bidaiara, beti ere pertsona hau bere arduradun egingo delarik bidaian zehar. Kasu honetan ere, pertsona hau titularra izatea nahitaezkoa izango da. Era berean, saria jaso duen gazte bat adin txikiko beste batekin etorri nahi badu, hura honen erantzukizun osoa izango du.
• Bidaiak barneratzen ez duen gauza bakarra jatorduak dira; hau da, ostiraleko afaria, larunbateko bazkari eta afaria eta igandeko bazkaria alegia.
• Bidaiaren deskribapena:
  a) Bidaia 2008ko urtarrilaren 18, 19 eta 20an izango da eta autobusez egingo da bidaia bera.
  b) Ostiral arratsaldez, 18an, 16:30tan irtengo gara. Bilboko Moyua Plazatik irtengo da autobusa (Carlton hotelaren aurretik) eta Vitoria-Gasteizko Eusko Jaurlaritzaren aurrean (Donostia-San Sebastian 1ean) 17:30tan egingo dugu bigarren geldialdia. Afaria bidean jan (etxetik ekarritakoa) eta lotarako iritsiko gara Comtes d´Urgell hotelera, Andorrara. Bertan izango gara bi gauetan.
  c) Larunbatean "zirkuitu eskimala" Larrabasan: egun guztia elurretan, toboganak, ibilbidea erraketa gainean, eta mendiko eskia praktikatuko duzue.
  d) Igande goizean Caldea n "zirkuitu termala".
  e) Igande eguerdian etxerantz buelta; 21:30ak inguru Vitoria-Gasteizen izango gara eta 22:30tan Bilbon.

Gazte-txartelak bere zozketa eta lehiaketei baldintza batzuk ezartzen dizkie. Parte hartu nahi baduzu baldintzak ezagutu behar dituzu. Zozketetan eta leihaketetan parte hartzeak aipatutako baldintzak onartzea suposatzen du.