Gazte-Txartelaren titularrentzako berariazko asistentzia telefonoak
-
Gazte-txartela Caja Laboral:
Espainiatik: 902 19 02 81 Atzerritik: 34 91 51 43 67
-
Gazte-txartela "la Caixa":
Edozein lekutatik +34 91 359 04 26
-
Gazte-txartela BBK:
Edozein lekutatik +34 91 344 11 55
-
Gazte-txartela Caja Vital:
Espainiatik: 902 100 728.Atzerritik: +34 91 594 96 74
-
Gazte-txartela Kutxa:
Espainiatik: 902 100 728. Atzerritik: +34 91 594 96 74
Asistentzia eskatzeko beharrezkoak diren datuak:
- Aseguratuaren izena
- Aseguratua dagoen lekua eta telefonoa.
- Daukan arazoaren deskribapena.
- Poliza zenbakia: Euskadiko kutxa: 888 / "la Caixa": 44.000.008 /
Vital Kutxa: 24.4957 / BBK: 07632000290 / Kutxa: 244.921
 
Eremu geografikoa eta estaltzen dituenak
Mundu osorako balio du, ohiko etxebizitzatik 30 kilometrotik aurrera hasita.
Estaltzen dituenak
- Atzerriko mediku-gastuak.
- Espainian gertatutako istripuen ondoriozko gastu medikoak.
- Gaixotasun edo istripuagatik hotelean luzatu beharreko egonaldia.
- Gaixo eta zaurituen lekualdaketa sanitarioa.
- Aseguratu laguntzaileen itzulera aurreratua.
- Gorpuzkinen garraioa.
- Ospitalean dagoen aseguratuari lagundiko dion pertsonaren garraioa.
- Ospitalean dagoen aseguratuari lagunduko dion pertsonaren egonaldi-gastuak.
- Aseguratuaren itzulera senitartekoren bat ospitaleratu edo hiltzen zaionean.
- Aseguratuaren itzulera ezbeharren bat gertatzen denean.
- Ekipajea bilatu eta aurkitzea.
- Bermeei buruzko premiazko mezuak transmititzea.
- Dokumentu eta gauza pertsonalak atzerrira bidaltzea.
- Dirua aurreratzea.
- Atzerrian eskatzen den fidantza penalaren zenbatekoa aurreratzea.
- Atzerrian behar den asistentzia juridikoaren gastuak ordaintzea.
- Erantzunkizun zibila.
- Salbuespenak
Aseguruaren baldintza orokorrak
Bermeak
Ondoren adierazten direnak estaliko ditu, pertsona bakoitzeko, bertan aipatzen diren mugekin:
1.- Pertsonentzako asistentzia (gaixotasuna edo istripua)
Aseguratzaileak 24 orduko zerbitzu etengabea eskainiko dio aseguratuari urteko egun guztietan, bidaietako asistentzia eskaintzeko.
1.1.a.- Gaixotasunagatik edo atzerrian izandako istripuengatik atzerrian sortutako mediku, kirurgia, farmazia, ospitale edo anbulantzia gastuak, 3.005,06 euroko mugaraino. Odontologiako premiazko gastuak 60,10 euroko mugaraino estaliko dira.
1.1.b.- Espainian baina, betiere, aseguratuaren ohiko bizileku den probintziatik kanpo sortutako mediku, kirurgia, farmazia, ospitale edo anbulantzia gastuak, 300.51 euroko mugaraino.
1.2.- Hoteleko egonaldia luzatu beharrak sortutako gastuak.
Medikuaren aginduz hoteleko egonaldia luzatu behar bada, gehienez 60,10 euro ordainduko zaizkio istripua izan duen aseguratuari, 601,01 euroko mugaraino.
1.3.- Zaurituak edo gaixoak aberriratzea edo horien garraio sanitarioaz arduratzea.
Aseguratua gaixotu edo istripuan zauritzen bada, aseguratzailea arduratuko da, bere kontura, pazientea beharrezko instalazioak dituen ospitale batera edo etxera eramateaz. Halaber, aseguratzailearen mediku-taldeak, aseguratua tratatzen ari den medikuarekin batera, atentzioa egokia den ikuskatuko du. Aseguratzailearen mediku-taldeak erabakiko du, kasu bakoitzean, zein garraio-mota erabili, larritasun eta premiaren arabera. Europan eta Mediterraneoko itsasertzeko herrialdeetan, bereziki egokitutako hegazkin sanitarioa ere erabili ahal izango da.
1.4.- Beste aseguratu batzuen aberriratzea.
Aseguratu bat edo gehiago 1.3. paragrafoan aipatutako arrazoiengatik aberriratu edo lekuz aldatu bada eta, horren ondorioz, gainerako aseguratuak ezin badira beren etxeetara itzuli hasieran pentsatutako moduan, aseguratzaileak ordainduko ditu gainerako aseguratuak beren ohiko bizilekuetara edo lekuz aldatutako edo aberriratutako aseguratua dagoen ospitalera eramateak dakartzan gastuak.
1.5.- Hildakoak aberriratzea edo tokiz aldatzea.
Aseguratua atzerrira egindako bidaian hiltzen bada, aseguratzailea arduratuko da, bere kontura, behar diren tramiteak egiteaz eta gorpua prestatzeaz eta heriotza-lekutik ehortziko den lekura eramateaz, leku hori Espainian edo Frantziako hegoaldeko lurralde mugakideetan badago. Baltsamatzea eta garraiorako nahitaezko hilkutxa ere barruan sartzen dira 300,51 euroko mugaraino.
1.6.- Mezuak igortzea.
Aseguratzaileak igorriko ditu berme hauek estaltzen dituzten gertaeren ondorioz aseguratzaileek bidali nahi dituzten premiazko mezuak.
1.7.- Nekez ordezka daitezkeen gauza ahaztuak bidaltzea.
Bidaia hasterakoan etxean ahaztutako botikak edo objektuak aseguratzaileak bidaliko dizkio aseguratuari, dagoen lekura eta bertako legeriaren arabera, betiere, premia bizikotzat jotzen badira eta aseguratua dagoen lekuan nekez ordezka badaitezke edo oso garestiak badira. Halaber, bidaian zehar egondako lekuetan aseguratuak ahaztu dituen edo lapurtu dizkioten gauzak bere etxera bidaltzeak dakartzan gastuak ere aseguratzaileak ordainduko ditu. Epigrafe honetan aipatutako kasuetan, aseguratzaileak bakarrik hartuko ditu bere gain igorpenaren antolamendua eta kostua 601,01 euroko mugaraino.
1.8.- Ekipajeak aurkitu eta bidaltzeko laguntza.
Ekipajea galduz gero, aseguratzaileak bere laguntza eskainiko du bilatzeko eskaria eta kudeaketa lanak egiteko orduan, eta bere gain hartuko ditu ekipajea aseguratuaren etxera bidaltzeak dakartzan gastuak.
1.9.- Ospitaleratze kasuetan, pertsona baten bidaia gaixoarekin egoteko.
aseguratua ospitalera eraman badute eta bertan bost egun baino gehiago egongo dela aurreikusten bada, aseguratzaileak joan-etorriko bidaia-txartela emango dio senide bati, gaixoarengana joan dadin. Gainera, ospitaleratzea atzerrian bada, senidea hotel batean egoteak dakartzan gastuak ere ordainduko ditu aseguratzaileak, betiere muga hauekin: 60,10 euro eguneko eta 601,01 euro guztira. Dirua jasotzeko, egiaztagiriak aurkeztu beharko dira.
1.10.- Aseguratuaren itzulera-bidaia senide zuzen bat hilez gero.
Ezkontidea, lehen mailako aurreko edo ondorengo ahaideren bat edo anaia edo arrebaren bat hil delako aseguratuak bidaia eten behar badu, aseguratzaileak bidaia ordainduko dio Espainiaraino, gorpua ehortziko den lekuraino. Gainera, hala badagokio, jazoera gertatu zenean zegoen lekura itzultzeko txartela ere ordainduko dio, baita bidaiakideari ere, balego eta aseguratuta badago.
1.11.- Aseguratuaren itzulera-bidaia senide zuzen baten gaixotasunagatik.
Ezkontidea, lehen mailako aurreko edo ondorengo ahaideren bat edo anaia edo arrebaren bat larriki gaixotu delako edo istripuren bat izan duelako ospitaleratu behar badute eta ospitaleratzeak bost egun baino gehiago iraungo baditu, aseguratzaileak ordainduko du Espainiako ohiko bizilekura itzultzeko bidaia, betiere, gaixotasuna edo istripua bidaia hasi ondoren gertatu bada. Halaber, aseguratzaileak bigarren txartel bat ere ordainduko du, itzulera aurreratu duen aseguratuaren bidaiakidearentzat, betiere, pertsona hori poliza honen bitartez aseguratuta badago.
1.12.- Itzulera aurreratzea etxean ezbehar larriren bat gertatu izanagatik.
Aseguratzaileak etxera itzultzeko bidaia-txartela eskuratuko dio aseguartuari baldin eta horren bizitoki nagusian ezbehar larriren bat gertatu delako bidaia eten behar badu. Ondorio horietarako, hauek joko dira ezbehar larritzat: sutea, suhiltzaileek parte hartu behar izan badute; lapurreta, poliziari salatu bazaio, edo uholde larria, aseguratua bertaratzea nahitaezkoa bada, eta, betiere, zuzeneko senideek edo konfiantzazko norbaitek egoera horiek konpondu ezin izan badituzte eta ezbeharra bidaia hasi ondoren gertatu bada. Halaber, aseguratzaileak bigarren txartel bat ere ordainduko du, itzulera aurreratu duen asguratuaren bidaiakidearentzat, betiere, pertsona hori poliza honen bitartez aseguratuta badago.
Erantzukizun zibil pribatua
Hala dagokionean, hirugarren bati nahigabe egindako kalte korporal edo materialen erantzule zibila delako aseguratuak Kode Zibilaren 1902tik 1910era bitarteko artikuluetan aipatzen denari jarraituz ordaindu beharko lituzkeen kalte-ordainak aseguratzaileak ordainduko ditu, 30.050,61 euroko mugaraino.
Muga horren barruan sartzen dira epaiketetako kostu eta gastuak eta epaileek aseguartuari ezartzen dizkioten fidantzak jartzea.
Salbuespenak
Berme horiek guztiak Aseguratua Espainiako ohiko bizilekura itzulitakoan edo EUROP ASSISTANCEK etxera edo inguruko ospitaleren batera eramandakoan amaituko dira. Oro har, EUROP ASSISTANCEri aurretiaz jakinarazi ez zaizkion prestazioek eta baimenik eskuratu ez dutenek ez dute estaldurarik izango.
Dena den, ondoren zehaztuko direnek eragindako kalte, egoera, gastu eta ondorio guztiak estalduratik at daude:
1. Aseguratuak Kontratua sinatu, berritu edo luzatu aurretik zituen gaixotasun, lesio edo gaitzak eta bidaiara joan aurretik, kontratua indarrean dagoela, egokitutakoak.
2. Aseguratuak bere borondatez EUROP ASSISTANCEk proposatutako eta bere osasun-zerbitzuarekin adostutako osasun-lekualdaketari uko egitea, atzeratzea edo aurreratzea .
3. Gaixotasun mentalak, osasun-azterketa prebentiboak (txekeoak), sendabide termalak, kirurgia estetikoa, Hartutako Inmunoeskasiaren Sindromea eta osasun-tratamenduak hartzeko edo ebakuntzetarako egindako bidaiak.
Halaber, haurdunaldiari lotutako diagnostiko, segimendu eta tratamendua, nahita eragindako abortuak eta erditzea. Lehen sei hilabeteetan gertatutako premiazko egoerak izango dira salbuespen bakarrak.
4. Aseguratuak apustu, desafio edo liskarretan izandako partaidetza.
5. Lehiaketa-kirolak edo lehiaketa motorizatuak (lasterketak edo rallyak) eta honako jarduera arriskutsu hauek:
- Boxeoa, halterofilia, borroka (mota guztietakoa), arte martzialak, alpinismoa glaziarretan, trineo-ibilaldiak, arnasketa-aparatuak erabiltzea eskatzen duten ur-azpiko jarduerak, espeleologia eta eskiko tranpolin-jauziak.
- Aireko kirolak.
- Abentura-kirolak, hala nola, raftinga, puentinga, hidrospeeda, amildegietako jaitsierak eta antzekoak. Horrelakoetan, EUROPA ASSISTANCEk osasun-zentroetan tratamenduan jarri ondorengo gastuak hartuko ditu bere gain.
6. Aseguratuak bere burua hiltzea, bere burua hiltzen saiatzea edo autolesionatzea.
7. Mendi, tontor, itsaso eta basamortuko erreskateak.
8. Alkoholdun edariak, sorgorgarriak, drogak edo medikuak agindu ez dituen sendagaiak hartzeagatik sortutako gaixotasunak edo istripuak.
9. Hartzaileak, Aseguratuak edo horien kausahabenteak egindako ekintza kaltegarriak.
10. Gerrak, manifestazioak, matxinadak, herri-mugimendu iskanbilatsuak, terrorismo-ekintzak, sabotajeak eta grebak, ofizialak izan ala ez. Atomo-nukleoen transmutazioa. Mugimendu telurikoak, uholdeak, sumendien erupzioak eta, oro har, naturako indarrek eragindakoak. Aparteko hondamenditzat edo katastrofetzat hartutako bestelako gertakari izugarri edo handiak.
Aipatutakoak gorabehera, ondorengo egoera hauek bereziki estalduratik at daude:
1. Lekuan bertan sendatzeko modukoak diren gaitzak edo lesioak dituztenen garraioa.
2. Betaurreko eta lentilen inguruko gastuak eta protesiak, pieza anatomikoak eta ortopedikoak eskuratu, ezarri, ordeztu, atera eta/edo konpontzea.
3. 10 eurotik beherako osasun, kirurgi eta farmazia-gastuak.
Aseguruari buruzko informazio gehiago behar baduzu, jarri gurekin harremanetan posta elektronikoko helbide honetan: gazteria@ej-gv.es
|
