Gazte-txartela eskatu baino lehen, jakin ezazu zer den eta norentzat den.

14-29 urte badituzu eta Euskadin bizi bazara, zeren zain zaude? Zure Gazte-txartela eskuratzea oso erraza da; honako urrats hauek egin beharko dituzu, besterik gabe: 

1)  Lehenbizi eskaera-formularioa ireki beharko duzu. Ondoren, zure datuekin bete, eta eskaera-dokumentua bete eta onartu ondoren PDF formatuan sortzen den banku-likidazioko agiria inprimatu beharko duzu. 

2)  Eskaera-formularioa betetakoan eta banku-likidazioko agiria inprimatutakoan, 5 € ordaindu beharko dituzu igortze-tasa gisa, programarekin kolaboratzen duten edozein banku-erakundetan: Bilbao Bizkaia Kutxan, Gipuzkoa Donostia Kutxan edo Caja Vital Kutxan (ez da beharrezkoa banku-kontu bat edukitzea edota irekitzea Gazte-txartela eskatzeko).  

3)  Azkenik, programarekin kolaboratzen duten banku-erakundeen edozein bulegotara hurbildu beharko duzu Gazte-txartela jasotzeko (Bilbao Bizkaia Kutxara, Gipuzkoa Donostia Kutxara edo Caja Vital Kutxara). Beharrezkoa izango da banku-erakunde horietako baten sukurtsal batera joatea zure ordain-agiriarekin. 

*OHARRA: Ordenagailurik, inprimagailurik edo eskaera egiteko edozein informatika-tresnarik ez baduzu, hurbildu zaitez KZgune batera,  eta lagunduko dizugu!

Behin hiru pauso horiek burutuz gero, Gazte-txartelak eskaintzen dizkizun abantailez gozatzen hasiko zara!

Baliatu abantailen bilatzailea deskontu iraunkorren artean gehien interesatzen zaizkizunak aurkitzeko, eta adi egon web-orriaren zozketa eta lehiaketen atalean argitaratzen denari. 

Zalantzaren bat baduzu, irakurri Gazte-txartela dela-eta galdera ohikoenak (FAQ). Hala ere gurekin harremanetan jarri nahi baduzu, bidali e-mail bat  gazteria@ej-gv.es helbidera. Mezuan, mesedez, jakinarazi zein den zure NANa.