Jaso itzazu Gazteaukera, Gazte-txartela eta Gazteen Euskal Behatokiaren azken berriak RSS ren bidez: albisteak, deialdiak, ikastaroak, zozketak, argitalpenak, etab. Zerbitzu hau erabiliz, abisu bat jasoko duzu Interneteko gure gunean albiste bat argitaratzen den aldiro.

Zure irakurgailuan web honi buruzko berriak sindikatzeko, klik egin behar duzu interesatzen zaizun aukeraren irudian, eta bere esteka kopiatu:

 Gazteaukera: Euskadiko Gazteen Atariaren berriak.

 Gazte Informazioa: gazteentzako deialdiak (laguntzak, bekak, ikastaroak, lehiaketak, lan-eskaintzak, boluntariotza... ), agenda (ikuskizunak, jaialdiak, biltzarrak, erakustaldiak, azokak... ) eta abar.

 Gazte-txartela: zozketak, deskontuak…

 Gazteen Euskal Behatokia: ikerketak, informazioa, dokumentazioa…

Zer da RSS?

RSS (Really Simple Syndication o Rich Site Summary) XMLko datuak egituratzeko formatu bat da, Interneteko gune batean bildutako informaziora sarbide automatizatua ahalbidetzen duena. Edukiak banatzeko modu horri, sindikazioa deitzen zaio. Horren eginkizuna gune batean argitaratu diren edukien laburpen edo aurkibide bat erakustea da, bertan sartu ere egin gabe. RSS irakurgailu bat (RSSko iturriak irakurtzea ahalbidetzen duten programak, ingelesez feed readers) edo hura txertatzen duen arakatzaile bat erabiliz, modu arinago eta erasoago batean lortu ahal izango dituzu gune bateko edo batzuetako berritasunak, bisitatu beharrik ere gabe.

Edukiak sindikatzeko beste formatu batzuk era badaude, hala nola Atom, RDF, etab.

Zer da iturri bat (ingelesez, feed)?
Iturri bat da RSS kanal baten bidez partekatu nahi diren datuak biltzen dituen fitxategi bat. Luzapen hauek izaten dituzte: .rss, .rdf edo .xml.

XML formatuko testu-fitxategi txiki bat da, eduki-iturriaren lana egiten duen gunearen zerbitzarian ostatatua. Fitxategi horren barruan, editoreek, modu antolatu eta egituratu batean, lerroburuak ipintzen dituzte, eta argitaratu dituzten edo interesgarritzat jotzen dituzten edukien azalpen txiki bat. Bertsiorik aurreratuenetan, irudi edo dokumentu erantsiak ere eraman ditzakete.

Zure gune gogokoenetako iturriak haiek irakurtzeko gai den programa bati (RSS irakurgailuari) erantsiz, informatuta egon zaitezke, eta ez duzu zertan etengabe bisitarik egin.

Zer da RSS kanal bat?
RSS kanal bat da gure ekipoaren eta eduki-iturri gisa erabiltzen dugun gunearen artean dagoen esteka (datuak esteka horren bidez ibiltzen dira). Sarritan, RSSko iturriaren (feed) sinonimo gisa erabiltzen da.

Nola irakur dezaket iturri bat?
Iturriak (feeds) irakurtzeko erabiltzen diren programei, iturri-irakurgailu edo -agregatzaile (feed readers o feed agregators) deitzen zaie, eta agregatzaileari eransteko prozesuari, berriz, sindikazio .

Doako irakurgailu/agregatzaile asko aurki dezakezu sarean. Ezagunenetako batzuk dira FeedReader, Awasu, RssReader..., bai eta zure rss irakurgailua konfiguratzeko webgune batzuk ere (Bloglines, Google Reader...). Halaber, Firefox eta Opera arakatzaileek, Thunderbird posta-bezeroak eta gero eta programa gehiagok fabrikatik eransten dute RSS iturri-irakurgailua.

Iturri bat sindikatu nahi dut
Behin agregatzailea instalatuta, interesatzen zaizun gunean aurkituko duzun esteka zure agregatzaileko dagokion eremuan kopiatu behar duzu, eta berariazko jarraibideei jarraitu.

Non aurki dezaket RSSei buruzko informazio gehiago?
Formatu honi buruzko informazio gehiago aurki dezakezu hemen:
- http://www.uatsap.com
- http://blogs.law.harvard.edu/tech/rss
- http://eu.wikipedia.org/wiki/RSS