Martxoaren 26ko 76/2002 Dekretuak (Euskal Autonomia Erkidegoko hondakin sanitarioak kudeatzeko baldintzak arautzen dituenak) bere 21.4 artikuluan ezartzen duena kontuan hartuta, zera adierazten dizut.
Hondakin sanitarioak sortzen dituztenek Osasun eta Kontsumo Sailari aurkeztu behar diote Hondakin Sanitarioen Kudeaketa Plana (HSKP), eta gutxienez, artikulu horretan ezarritako edukia jaso beharko du plan horrek.
Hondakin sanitarioen sortzaile, dekretu horren harira, 2.2 artikuluan definitutako jarduera sanitarioak izango dira.
Osasun eta Kontsumo Sailetik, HSKPen dokumentazioa Ingurumen, Lurralde Antolaketa eta Nekazaritza eta Arrantza Sailera bidaliko dute, han baloratu eta, tokatzen bada, ekoizpen-jarduera hori erregistra dezaten Ekoizle Txikien Erregistroan. (Ikusi HSKPak izapidetzeko prozedura osoa)
HSKPa onartzeko beste eskakizun batzuk
1.- Alta emanda egotea IKS-eeM sisteman (MA zirkularrerako lotura), hondakinak lekuz aldatzeko informazio-fluxuarekin zerikusia duen dokumentazioa teletramitatzeko. Eskakizun hori, soil-soilik, hondakin sanitario arriskutsuak sortzen dituztenek bete beharrekoa da. (Dekretuko 3.2 artikulua).
2.- Bakoitzari dagokion zentroaren baimena edukitzea edo eskatuta izatea, Osasun eta Kontsumo sailak ematen duena, hain zuzen, edukitzea tokatzen bazaio, behintzat.
Dokumentazioa
Hondakin arriskutsurik SORTZEN EZ DUTEN jarduerak: arriskutsutzat jotzen den hondakinik sortzen ez duten jarduerak, eta sortutako hondakinak kudeatzeko, gainerako hiri- edo udal-hondakinek ekartzen dituzten betebeharretatik apartekorik ekarriko ez dutenak. Bete I. taldeari dagokion HSKP dokumentua.
Hondakin arriskutsuak SORTZEN DITUZTEN jarduerak: hondakin sanitario jakin batzuk sortzen dituztenak (infekzio-hondakinak, txertoak, hondakin anatomiko zorrotz eta ziztatzaileak, gorputz-jariakinak, etab.), edo/eta hondakin kimikoak, eta arautzeko, berariazko aratuegia dutenak (botika zitotoxikoak eta zitostatikoak, finkatzaile-errebelatzaileak, baztertutako botikak, hondakin erradioaktiboak, etab.). Bete honako dokumentuak: Eskabidea eta II. eta III. taldeko HSKPak.
OHARRA: HSKP dokumentuekin batera, eta ondo uler dadin, eskatzaileak beharrezko jotzen duen beste edozein dokumentu edo/eta idatzi ere bidaliko da. Informazio gehiago nahi izanez gero, deitu eskabideen barrenean datozen edozein telefonotara.
- 76/2002 dekretua (pdf, 130 KB)
- IKS-eeM zirkularra (pdf, 84 KB)
- I. taldeko HSKP (pdf, 46 KB)
- II. eta III. Taldeko HSKP (pdf, 103 KB)
- Eskabidea (pdf, 34 KB)
