[Beste web interesgarri batzuk]

Irrika.net

Irrika, DBHko 3. eta 4. mailako eta Batxilergoko ikasleei zuzenduta dagoen aldizkaria da eta bere osagarria den web gunea ere badu: www.irrika.net. Biak, ZIO proiektuaren (Zientzia Irakurle Ororentzat) barruan kokatzen dira eta proiektu honen helburua zientziaren mundua jendarteratzea da. Elhuyar Fundazioa arduratzen da bai aldizkariko zein web guneko edukiak lantzeaz.

www.irrika.net web gunean, aldizkarian bezala, testu guztiak euskaraz, gazteleraz eta ingelesez daude. Erreportajeak, elkarrizketak, albisteak, lehiaketak… denetarik aurki daitezke bertan, guztia zientziarekin lotuta. Gainera, web gune honek interaktiboa ere izan nahi du eta galderak egiteko eta elkarrizketak edota erreportajeak proposatzeko aukera ere eskaintzen du.