• Euskadiko Gazteriaren Kontseilua. Zer da?
• Helburuak eta egoitzak
   
  BOLUNTARIOAK
• Zer da? Jarraitu beharreko pausoak
• Boluntario agentziak

       BESTE INFORMAZIOA

• Diru-laguntzak elkarteentzat
• Estekak gazteen partaidetzarekin lotuta

Euskadiko Gazteriaren Kontseilua. Zer da?

Euskadiko Gazteriaren Kontseilua bertoko 60 Gazte Elkartek baino gehiagok osatzen duten Eskubide Publikodun Erakundea da. Euskadiko Gazteriaren Kontseilua Eusko Legebiltzarrak sortu zuen maiatzaren 27ko 6/1986 Legearen bitartez.  

Lantzen dituen arloak ondorengoak dira:

• Gazteon iradokizun eta aldarrikapenak babestu eta bideratzen ditu.
• Elkarrizketarako eta hausnarketarako guneak bideratzen ditu.
• Jarrera agertze eta salaketa ekintzak garatzen ditu.
• Gizarteko komunikabideekin harremanetan dago.
• Gazte ekimenen eta giza eragileen arteko lankidetza eta koordinazioa bultzatzen ditu.
• Gazteon intereserako ikerketak eskatu eta gauzatzen ditu.

Horrekin guztiarekin lotutako gaiak aurrera eramateko, ondorengo atalak jorratzen dituzte: nazioartekoa, balioetan oinarritutako hezkuntza, bake heziketa, kultura aniztasuna, inmigrazioa, etxebizitza, astialdia, bolondresgoa, enplegua, bizi kalitatea, euskera, generoa, giza bazterketa, gazte politikak eta ingurugiroa & ekologia.

Ze helburu ditu?

EGKren oinarrizko helburuak ondorengoak dira:

• Gazteen bizi-baldintzen hobekuntzan laguntzea.
• Gazteen parte hartze soziala eta indibiduala sustatzea.
• Gazteen sozializazioan laguntzea.
• Gazteria Politika egokia indartzea.

EGKren egoitzak

Euskal Autonomia Erkidegoan egoitzak ditu hiru hiriburuetan:

• Gasteiz - Ramiro de Maeztu, 15 - Tel.: 945 220601 gasteiz@egk.org
• Bilbo -  Autonomia, 44 - Tel.: 94 4436143 bilbao@egk.org
• Donostia - Andia, 11 - Tel.: 943 429767 donosti@egk.org

Boluntarioak

Zer da? Jarraitu beharreko pausoak

Pertsona boluntarioa bere denbora, ezagutzak eta esperientzia modu altruistan eta solidarioan lan ezberdinak burutzeko ematen duena da. Edonor izan daiteke boluntario, horretarako, nahikoa baita lan egiteko eta parte hartzeko gogoa izatea.

Boluntarioki lan egitea gizartea aldatzea da, mundu hobe bat sortzeko lan egitea hain zuzen ere. Izan ere, boluntario izatea solidario izatea da, eta gizartea garatzeko ekintzetan parte hartzea. Pertsona boluntarioa hainbat ekintzetan barneratzen eta murgiltzen da, eta horrela, errealitatea aldatzeko eskubidea duen gaian bihurtzen da.

Baina, badakizu benetan zer den eta zer ez den boluntario izatea? Ondoren laburbilduko dizugu:

Zer da boluntario izatea?

Pertsona boluntarioa interes orokorra duten ekintzetan ondorengo baldintzak betez parte hartzen duena da:

1. Modu eskuzabal eta solidarioan.
2. Boluntarioki eta askatasun osoz.
3. Irabazi asmorik gabeko elkarteetan eta proiektu eta programa konkretuak dituzten erakundeetan parte hartzen duena.
4. Ordain-saririk jasotzen ez duena.
   

Zer ez da boluntario izatea?

1. Modu espontaneoan, aldizka edota erakundeetatik kanpo ematen den laguntza eta egiten den parte hartzea.
2. Ordezko zerbitzu soziala egiten ari den pertsona.
3. Ordaindutako profesionalak ordezkatzen dituen pertsona.
   

Boluntario bezala lanean hasi nahi baduzu, izan itzazu ondorengo pausoak kontuan. Hasi behar duzun bidean lagungarri izango dituzu:

• Pentsa ezazu dituzun motibazioen inguruan.
• Zer nolako ardura izan dezakezun zehaztu.
• Lan egin behar duzun taldearekin eskainiko duzun denbora zehaztu.
• Boluntario bezala lan egiteko gehien atsegin duzun arloa aukeratu.
• Erakundeen inguruan informatu eta egokiena aukeratu.
• Erakundearekin egingo dituzun lanak zehaztu.

Boluntario agentziak

Euskal Autonomia Erkidegoan hiru boluntario agentzia daude, lurralde historiko bakoitzeko bat. ERDU, Bolunta eta Gizalde dira horiek:

ERDU

ERDU, Elkarte eta Bolondresentzako Agentzia, Gasteizko udalaren, Arabako Foru Aldundiaren eta Vital Kutxaren zerbitzua da. Arabako elkarteen eta hiritar ororen esku dagoen zerbitzua ematen du ERDUK.

Beste hainbat arloren artean, ERDUK elkarteei zerbitzu eta errekurtsoak eskaintzen dizkie, eta eskatzen duen pertsona orori boluntariotzaren inguruko informazioa eta laguntza ematen die.

ERDU Elkarte eta Bolondresentzako Agentzia (Araba)
Santa Maria 4 - 01001 Gasteiz Tel.: 945 161687 - 945 161948
oficvoluntariado@vitoria-gasteiz.org

Bolunta

Bolunta, Boluntariotza eta Elkarteentzako Agentzia 2001. urtean sortu zen Bizkaiko Foru Aldundiaren, Bilbao Bizkaia Kutxaren eta EDE Fundazioaren eskutik. Modu horretan, pertsona boluntarioek egiten zituzten ekintza eta zerbitzuak eta Bizkaiko erakunde boluntarioen lanak hobetu nahi ziren.

Boluntak zerbitzu integrala, doakoa eta kalitatezkoa eskaintzen die irabazi asmorik gabe lan egiten duten erakundeei eta boluntario bezala lanean hasi behar diren pertsonei. Horretarako, talde profesional bat du Boluntak.

Gizalde

Gizalde Gipuzkoako Boluntariotza 1998an jarri zuen abian Gipuzkoako Foru Aldundiak, Euskadiko Kutxak eta Hezkide Eskolak. Agentzia horren bidez, garai hartan jendeak boluntariotzaren inguruan zuen interes gero eta handiagoari erantzun bat eman nahi zitzaion.

Gaur egun Gipuzkoako boluntario eta taldeen biltoki bilakatu da Gizalde. Izan ere, agentziak hainbat zerbitzu eskaintzen ditu, hala nola, informazioa, aholkularitza, errekurtsoak eta gizarte ekintzen artean bitarteko lana.

Diru-laguntzak elkarteentzat

• Hainbat erakundek eskainitako dirulaguntza deialdiak. Eskaera egiteko epea irekita egon eta Gazteriaren Euskal Behatokiaren web orrialdean argitaratuak.
• Eusko Jaurlaritzako Gazteria Zuzendaritzaren deialdi guztiak. Deialdi hauek honako ekintza eta programak bultzatzeko izaten dira: gazteria eta gizarte ekintza esparruan jarduerak garatzeko,  gazteak balioetan eta bakeran hezkuntzan hezteko, gazte-ekipamenduen sarea bultzatzeko, gazteen ekimenetarako, Europako boluntario zerbitzurako, eta abar.

Estekak gazteen partaidetzarekin lotuta

CNJC: Consell Nacional de la Joventud de Catalunya

CJE: Espainiako Gazteriaren Kontseilua